Ижодий кеча...
Бугун, 31 январь Муқимий номидаги Ўзбекистон давлат мусиқали театрида Оркестр созандаси Шавкат Йўлдошевнинг 70 йиллик юбилейига бағишланган ижодий кеча ўтказилди.
Кечада ижодкорнинг кўп йиллар давомида маданият, санъат соҳасида амалга оширган ишлари, хизматлари эътироф этилди. Ҳамкасблари, шогирдлари, дўстлари томонидан қилинган мусиқий чиқишлар тадбирга янада завқ бағишлади.
Шунингдек, ўз касбининг ҳақиқий фидойиси, моҳир созанда Шавкат Йўлдошевга Маданият вазирлиги ҳамда театр касаба уюшмаси томонидан ташаккурнома ва эсталик совғалари топширилди.
