Дилкаш суҳбатдош...
Жорий йилнинг 28 февраль куни Тошкент шаҳар Сергели тумани Ногиронлар жамияти ҳамда Муқимий номидаги Ўзбекистон давлат мусиқали театри ҳамкорликда Сергели туманидаги "Мерос" тантаналар уйида "Дилкаш суҳбатдош" лойиҳаси доирасида маданий тадбир ўтказишди.
Ушбу жамият аъзоларининг руҳиятини кўтариш мақсадида ўтказилган мазкур тадбирда Муқимий номидаги Ўзбекистон давлат мусиқали театрининг ижодкорлари Муқаддас Мамадалиева, Отабек Ҳақбердиев, Бозорбек Холмўминов ва Равшан Ибрагимовлар иштирок этишди.
Тадбир давомида ижодкорларимиз иштирокчилар билан самимий мулоқотда бўлишди, биргаликда рақсларга тушишди ҳамда қизиқарли психологик тренинглар ўтказишди.
