Гастрол...
Бугун, 1 ноябрь куни Қашқадарё вилояти мусиқали драма театрида Муқимий номидаги Ўзбекистон давлат мусиқали театрининг бир гуруҳ ижодкорлари тантанали равишда кутиб олинди. Қашқадарё театрининг оркестр ва хор жамоалари томонидан тақдим этилган гўзал куй-қўшиқлар ва ариялар театримиз ижодкорларига хушкайфият бағишлади.
Муқимий театрининг ижодкорлари гастроль сафаридаги биринчи ижодий учрашувини Қарши муҳандислик ва иқтисодиёт институти талаба ёшлари ва ўқитувчилари билан ўтказишди. Мазкур учрашувда устоз санъаткорларимиз томонидан тақдим этилган монологлар, куй-қўшиқлар ва рақс дастурлари қашқадарёлик томошабинлар олқишига сазовор бўлди.
Эслатиб ўтамиз, Муқимий номидаги Ўзбекистон давлат мусиқали театри ижодкорлари Қашқадарё вилоятининг бир қатор туманларида 9 ноябрга қадар гастроль сафарида бўладилар.
