3 декабрь – Халқаро ногиронлар куни. Мазкур сана ҳар йили юртимизда кенг кўламда нишонланиб, бу борадаги эзгу ишларни яна бир бор сараланади. Айниқса, шу куни ҳаста ва беморлар, боқувчисини йўқотган, ёлғиз кишилар каби меҳрга муҳтожлар ҳолидан хабар олинади.
Тошкент вилояти Бука туманида Ўзбекистон “Ногиронлар жамияти” Бука тумани ҳудудий бўлинмаси ва Муқимий номидаги Ўзбекистон давлат мусиқали театри ташаббуси билан жорий йилнинг 30 ноябрь куни 3 декабр - Халқаро ногиронлар куни муносабати билан байрам тадбири ўтказилди. Театр жамоаси томонидан тайёрланган концерт дастури барчага юқори кайфият бағишлади.
