Янгиликлар

Эзгулик сари...
Сана: 07.01.2022

   Бугун, 7 январь куни пойтахтимизнинг Олмазор туманида жойлашган Ўзбекистон Карлар жамияти аъзолари ва уларнинг фарзандлари, ҳамда кар-соқов ва заиф эшитувчи болалар учун мўлжалланган 102-106-сонли махсус мактаб болалари, шунингдек Тошкент вилояти Нурафшон шаҳридаги 1-2-сонли оилавий болалар уйи фарзандлари Муқимий номидаги Ўзбекистон давлат мусиқали театрига ташриф буюришди. 

 
Улар учун қишки таътил туҳфаси этиб тайёрланган “Ур тўқмоқ” мусиқали Янги йил эртаги  намойиш этилди. Эртак сўнгида болалар қаҳрамонлар билан жонли мулоқотда бўлишди, биргаликда эсдалик учун суратларга тушишди. Қорбобо ва Қорқиз томонидан топширилган совға-саломлар байрам завқини янада ошириб, болажонларимизга олам-олам шодлик улашди.