Муқимий номидаги Ўзбекистон давлат мусиқали театр жамоаси жорий йилнинг 3-4 декабрь кунлари Андижон ва Наманган вилояти мусиқали драма театрларида “Айёргина аёллар” мусиқали комедиясини намойиш қилишди. Аёл ўзини севиши, ўзини қадрлаши, ўз гўзаллигини ботинан ҳис қилиши эвазига атрофдагиларга ҳам севикли ва гўзал бўлиши, жамиятда ўрнини топиши мумкинлиги спектакль жараёнида турли хил воқеа-ҳодисалар орқали бадиий ифода қилинган. Спектакл қаҳрамонлари тилидан айтилган ибратли сўзлар шу каби муҳим, эътиборли жиҳатлари билан беихтиёр барчанинг ёдида қолди.
Шунингдек, Андижон машинасозлик институтида Ўзбекистон халқ артисти Мирза Азизов бошчилигидаги театрнинг маҳоратли ижодкорлари талаба-ёшлар билан учрашувлар ўтказишди.
Муқимий театри ижодкорларининг гастроль сафари Наманган вилоятида якунланди...
