Ёшлар маънавиятини юксалтириш ва уларнинг бўш вақтини мазмунли ташкил этиш бўйича мамлакатимиз раҳбари томонидан илгари сурилган 5 та муҳим ташаббуснинг 1-бандида назарда тутилган Ёшларни мусиқа, рассомлик, адабиёт, театр ва санъатнингбошқа турларида қизиқишларини ошириш, истеъдодини юзага чиқариш бўйича жорий йилнинг 3 декабрь куни Андижон машинасозлик институтида Муқимий номидаги Ўзбекистон давлат мусиқали театр директори, Ўзбекистон халқ артисти Мирза Азизов билан учрашув ташкил этилди.
Талаба ёшлар, профессор-ўқитувчилар иштирокида бўлиб ўтган мазкур учрашувда Мирза Азизов ҳаётда бирор бир натижага эришиш учун инсон фақатгина меҳнат ва ўз устида ишлашдан тўхтамаслиги кераклиги, ҳар бир қилинаётган иш интиҳоси инсонларга манфаатли бўлишини мақсад қилинган ҳолда бажарилиши зарурлигини таъкидлаб ўтди, шунингдек ўзининг ҳаёт тажрибаси билан ўртоқлашиб талабаларга қимматли маслаҳатларни бериб ўтди. Учрашув қизғин баҳс-мунозарага бой бўлиб, кўтаринки кайфиятда ўтди.
