Янгиликлар

Қоракўл Ёшлар театрида навбатдаги спектакль тақдимоти...
Сана: 07.03.2024

   Куни кеча Муқимий номидаги Ўзбекистон давлат мусиқали театри қошидаги ижодкор ёшлардан иборат, марҳум устоз санъаткор, Ўзбекистон халқ артисти Мирза Азизов ҳамда Маданият вазирлиги ташаббуси билан ташкил топган Қоракўл Ёшлар театрида навбатдаги янги асар тақдим этилди. Унда драматург Қўчқор Норқобил асари асосида режиссёр Достон Хақбердиев саҳналаштирган "Бахт осмондан тушмайди" спектакли намойиш этилди.

 
Премьерада Бухоро вилоят ҳокими ўринбосари Ботир Шаҳриёров, Қоракўл тумани ҳокими Хуршид Тоҳиров ҳамда вилоят маданият бошқарма бошлиғи Шерзод Бешимович, шунингдек Муқимий номидаги Ўзбекистон давлат мусиқали театрининг устоз санъаткори, Ўзбекистонда хизмат кўрсатган артист Турғун Бекназаров иштирок этишди. Премьерадан сўнг, устоз санъаткор Турғун Бекназаров ёш ижодкорлар учун мастер класс ўтказиб, ижод йўлидаги ҳаётий тажрибаларини бўлишди.