Янгиликлар

Эътироф...
Сана: 10.09.2023

   Аввал маълум қилганимиздек, Заркент ижод уйида уч кун давом этган «Нигоҳ» ижодий семинарида театр ва кино соҳасида фаол ижод қилиб келаётган ёш драматург, режиссёр ва рассомлар, сценарийнавислар, операторлар томонидан тақдим этилган киносценарий ва саҳна асарлари тажрибали ижодкорлар томонидан пухта ўрганилиб таҳлил этилди, энг яхши асарлар келгусида кино ва спектакллар учун саралаб олинди

 
Биз учун қувончлиси театр йўналиши бўйича иштирок этган саккизта асарлар орасидан Муқимий номидаги Ўзбекистон давлат мусиқали театри бош режиссёри Достон Хақбердиев ҳамда бош рассом Жалолиддин Раҳимов ва драматург Учқун Ўсаровлар учлигида ишланган  шифокорларнинг фаолиятига бағишланган “Нурли йўл” мусиқали драмаси мутахассислар томонидан юқори баҳоланиб биринчи ўринга лойиқ топилди. Яна бир маълумот айнан шу асар давлат буюртмаси асосида Муқимий номидаги Ўзбекистон давлат мусиқали театрида саҳналаштирилади.