Муқимий

Дунёнинг 50га яқин мамлакатлари иштирок этадиган Европа Ҳаракатланиш Ҳафтасининг расмий иштирокчисига айланган Тошкент шаҳрида бугун 19 сентябрда бепул метро куни ўтказилмоқда. Бир қатор метро бекатларида санъаткорлар  чиқишлари ва бошқа кўнгилочар дастурлар бўлиб ўтмоқда. “Амир Темур” метро бекатидан “Юнус Ражабий” бекатига ўтиш ерости йўлида санъатшунослар ҳамроҳлигида расмлар галереяси очилди, “Пахтакор” ва “Алишер Навоий” бекатларига ўтиш вестибюлида  Тошкент метрополитени тарихига бағишланган тарихий фотокўргазма ташкил қилинди. 

Шунингдек Муқимий номидаги Ўзбекистон давлат мусиқали театрининг бир гуруҳ ижодкорлари “Ойбек” (“Мингўрик” станциясига ўтиш жойида) йўловчилар ва шаҳримиз меҳмонлари учун “Тоҳир ва Зуҳра” спектаклидан ариялар ижро этишиб йиғилганлар  олиқишига сазовор бўлишди.