Муқимий

Президентимиз томонидан илгари сурилган беш муҳим ташаббус ижросини таъминлаш мақсадида Муқимий номидаги Ўзбекистон давлат мусиқали театри жамоаси ҳамда Камолиддин Беҳзод номидаги Шарқ миниатюра санъати музейи ҳамкорлигида, жорий йилнинг 21 октябрь куни Тошкент шаҳар, Яккасарой туманида жойлашган “Имконияти чекланган болалар учун ихтисослаштирилган 25-мактаб”нинг 250 нафар ўқувчилари учун” "Беш ташаббус - беш қанот" шиори остида "Тилга эътибор-элга эътибор" номли маънавий-маърифий тадбир ташкил этилди.

Тадбирда Муқимий номидаги Ўзбекистон давлат мусиқали театри ўзининг саҳна кўринишлари ва куй-қўшиқлари билан болажонларга юқори кайфият улашдилар. Шунингдек, тадбир доирасида Камолиддин Беҳзод номидаги Шарқ миниатюра санъати музейи томонидан миниатюра асарларидан ташкил топган кўчма кўргазма ҳамда кўргазма доирасида “Миниатюра, Ҳайкалтарошлик, Кулолчилик” йўналишлари бўйича маҳорат дарслари ўтказилди.