Муқимий

Турк киноижодкорлари билан ҳамкорликда суратга олиниши режалаштирилаётган Қомусий олим, ўрта асрнинг буюк даҳоларидан бири бўлган Абу Райҳон Берунийнинг ҳаёти ва фаолиятига бағишланган хужжатли фильм хабари бошқалар қатори Муқимий театри ижодкорларини ҳам хушнуд этди. Бу ҳайрли лойиҳа кастингидан Муқимий номидаги Ўзбекистон давлат мусиқали театрининг эл суйган санъаткорлари Ўзбекистон халқ артистлари Мирза Азизов, Марям Ихтиёрова ва маҳоратли актрисамиз Дилором Абдуалимованинг саралаб олингани бизни янада қувонтирди.