Янгиликлар

Янги саҳна асари
Сана: 25.09.2021

    Ўзбекистонда хизмат кўрсатган артист Александр Бекчанов бошчилигида  режиссёр Достон Хақбердиев ва саҳналаштирувчи рассом Жалолиддин Раҳимов Муқимий номидаги Ўзбекистон давлат мусиқали  театри қошидаги  ижодкор ёшлардан ташкил топган, Маданият Вазирлиги ташаббуси билан очилган Бухоро вилоятидаги Қоракўл Ёшлар театрида янги саҳна асари устида иш олиб боришмоқда.

 
Ўзбекистонда хизмат кўрсатган журналист, ёзувчи, драматург Қўчқор Норқобилнинг “Замон Авлонийси” асари асосида спектакл саҳналаштирилмоқда. 
 
Қоракўл Халқаро математика мактаби асосчиси, фидойи устоз, Ўзбекистон халқ ўқитувчиси Тўхтамурод Жумаевнинг ёрқин хотирасига бағишланган мазкур спектаклнинг премъераси тез кунларда бўлиши кутилмоқда.