Бугун, 24 май куни Муқимий номидаги Ўзбекистон давлат мусиқали театрига “Евроосиё” халқаро театр санъати фестивали доирасида Қорақалпоқ давлат ёш томошабинлар театри ижодкорлари ташриф буюришди.
Самимий ва дўстона кечган учрашувда қорақалпоқ ижодкорлари фестиваль кўтаринки руҳда ўтаётганлиги, тақдим этилган спектакллар ўзгача завқ билан томоша қилинаётганлиги ҳақида фикрлар билдиришиб, Муқимий номидаги Ўзбекистон давлат мусиқали театри ижодкорларига ўз фаолиятида муваффақиятлар тилашди. Учрашув сўнгида ташриф буюрган меҳмонларга қорақалпоқ театр ижодкорлари томонидан “Қўрқит ота” спектакли намойиш этилди.
Эслатиб ўтамиз, эртага, 25 май санасида Муқимий номидаги Ўзбекистон давлат мусиқали театрига фестиваль доирасида тожикистонлик театр ижодкорлари ташриф буюришади.
