Аҳоли орасида китобхонликни кенг тарғиб этишда маҳалла институтининг ўрни ва аҳамиятини тобора кучайтириш, фуқаролар йиғинлари раисларининг танловдаги иштироки орқали маҳаллаларда китобхонликни янада ривожлантириш, шеъриятга ошно маҳалла раисларни рағбатлантириш мақсадида маҳалла раислари ўртасида шеърхонлик танлови уч босқичда юқори савияда ташкил этилди. Танловнинг барча шартларида юқори ўринларни қўлга киритган маҳалла раислари махсус диплом ва тадбир ташкилотчиларининг эсда лик совғалари билан тақдирланди.
Ушбу танловнинг бошловчилари сифатида Муқимий театрининг истеъдодли актёрлари Гуласал Раҳмонова ва Фарҳод Қурбоновлар иштирок этишди.
Жорий йилнинг 24 август куни пойтахтимиздаги “Туркистон“ саройида Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши ва Ўзбекистон Ёзувчилар уюшмаси ҳамкорлигида маҳалла раислари ўртасида ташкил этилган “Шеър азиз олам аро“, деб номланган танловнинг республика босқичи бўлиб ўтди.